რიტუალი ყოველ ფინჯანში: Speciality ყავის მომზადება სახლში
რა უნდა გავაკეთო, როცა ყავის დალევა მექანიკურ რუტინად იქცა და დილის ყავა სიხარულს აღარ განიჭებს? ვკითხე ჩემს მეგობარ ბარისტას, მან კი მიპასუხა: ტემპი უნდა შეანელო.
ყავა ყოველთვის იყო ჩვენი ყოველდღიურობის ნაწილი, მაგრამ უცებ ის უბრალოდ კოფეინის წყაროდ იქცა. ამ პოსტში მინდა გაგიზიაროთ ჩემი გამოცდილება — როგორ დავუბრუნდი სახლში მომზადებულ ყავას, აღმოვაჩინე მომზადების სხვადასხვა მეთოდები და როგორ იქცა ეს პატარა რიტუალი ყოველდღიურობის ნაწილი.
---
*ინსტრუმენტები სახლისთვის — იყავი პროფესიონალი ბარისტა*
//პროდუქტები რაც თავს გვაგრძნობინებს ბარისტად //
*1. მოკა*
ჩემი მოგზაურობა მოკას მადუღარით დაიწყო და დღემდე ყველაზე ხშირად გამოყენებადი მეთოდია. სიმარტივე და მოსახერხებელობა არის ამ საკულტო პროდუქტის პოპულარობის მიზეზი. მოკა ყველაზე დატვირთულ დღეებშიც კი გვაძლევს შესაძლებლობას არომატული ესპრესოთი დავიწყოთ დღე.
მოკას შემდეგი ეტაპი ჩემთვის V60 აღმოჩნდა. ეს მეთოდი იდეალურია გრძელი დილის რიტუალისთვის, ან მეგობრებთან ერთად ყავის აღმოსაჩენად. V60 უფრო მეტ კონცენტრაციას და ყურადღებას საჭიროებს. შეიძლება თავიდან ცოტა რთულად მოგვეჩვენოს, მაგრამ შედეგიც უფრო ნიუანსურია. ეს მეთოდი გაძლევს საშუალებას აკონტროლო ინტენსივობა და აღმოაჩინო გემოების მრავალფეროვნება.
*3. ცივი ყავა (ყინულის დრიპერი)*
ზაფხულის ცხელ დღეებში ცივი ყავა ყველას საყვარელი სასმელია, მაგრამ ხშირად შეიძლება არ გვქონდეს დილით მომზადების მოტივაცია. ცოტა ხნის წინ აღმოვაჩინე რომ თურმე სახლში მომზადებული ცივი ყავაც შეიძლება იყოს არომატული. ყინულის დრიპერი გვაძლევს სტაბილურ და მდიდარ არომატს. ამ პროდუქტით საღამოს მომზადებული ყავა დილით გვხვდება მაცივარში და დღის ენერგიულად დაწყებაში გვეხმარება.
---
ნელა ცხოვრების პრაქტიკა ყავის მეშვეობით
„ნელი ცხოვრება არ ნიშნავს ვაკეთებდეთ ნაკლებს, არამედ ნიშნავს, რომ რასაც ვაკეთებთ გავაკეთოთ — მეტი კონცენტრაციით, მიზნობრიობით და სწორ ტემპში“, — ამბობს ლორა მელოი, ჰარვარდთან ასოცირებული Benson-Henry Mind Body Institute-ის დირექტორი.
ექიმები და მკვლევრები ერთხმად თანხმდებიან, რომ საჭიროა შენელება და ენერგიის სწორად გადანაწილება. რიტუალები კი ამ ყველაფრის მცირე, მაგრამ ძალიან მნიშვნელოვანი ნაწილია. დილა საუკეთესო დროა, რომ დღე შესაფერისი ენერგიით დავიწყოთ. ყავის რიტუალი და გააზრებული მომზადება კი გვეხმარება, დავაფასოთ მომენტი და პროდუქტი რასაც ვიღებთ.
ყავის რიტუალისთვის სივრცის შექმნა არის პატარა, მაგრამ მნიშვნელოვანი ნაბიჯი დღის პროდუქტიულად დასაწყებად. ყოველდღიურობაში პატარა სიამოვნებებისთვის დროის გამოყოფა უფრო მეტ ენერგიას გვმატებს. ეს მიდგომა კი გვეხმარება დღის განმავლობაში ამ ენერგიების სწორად წარმართვაში. ჩემთვის ეს ნაბიჯი მოკას მადუღარის შეძენა აღმოჩნდა - და უეცრად დილამ სულ სხვა ელფერი შეიძინა.
---
რჩევები შენი პირადი რიტუალის დასაწყებად
- აირჩიე ხარისხიანი პროდუქტები, იქნება ეს ყავის მადუღარა თუ მარცვალი.
- გასინჯე სხვადასხვა ტიპის მარცვლები, რომ იპოვო შენი გემო.
- მიიღე სიამოვნება პროცესით: დააკვირდი სურნელს, გემოს.
- ჩაიწერე შენი გამოცდილება ან გაუზიარე მეგობრებს.
- და, რა თქმა უნდა, ჩაირთე საყვარელი მუსიკა — ყავის მომზადება უფრო სასიამოვნო გახდება და დღეც უფრო ენერგიულად დაიწყება.
---
ყავა სახლში არ ნიშნავს მოსაწყენ რუტინას ან აჩქარებულ პროცესს. მხოლოდ რამდენიმე ინსტრუმენტით და ყურადღებით შეგიძლია უბრალო მოქმედება რიტუალად აქციო. ეს რიტუალი კი საუკეთესო გზაა შეისვენო და დატკბე მომენტით.
---
მზად ხარ, რომ ყავა პროფესიონალივით მოამზადო?
აღმოაჩინე პოსტში ნახსენები პროდუქტები — მოკა მადუღარა, V60, ყინულის დრიპერი — და დაიწყე შენი ყავის რიტუალის აწყობა.
გინდა მეტი რჩევა და რიტუალი?
გამოიწერე ჩვენი სიახლეები და მიიღე ყავის გზამკვლევები, პროდუქტის სიახლეები და ნელი ცხოვრების იდეები პირდაპირ შენს იმეილზე.
რადგან შესანიშნავი ყავა მხოლოდ დასაწყისია.
შემოუერთდი ნიუსლეტერს
